ತಮ್ಮ ಮಗಳಜ ಆರ್ಯಳಿಗಾಗಿ ಯಶ್ ಮಾಡಿದ ಕೆಲಸ ಏನ್ ಗೊತ್ತೇ

0
677

ರಾಕಿಂಗ್ ಸ್ಟಾರ್ ಯಶ್ ತಮ್ಮ ಮಗಳಾದ ಆರ್ಯಾಳ ಮೊದಲ ವರ್ಷದ ಹುಟ್ಟು ಹಬ್ಬವನ್ನು ಅದ್ದೂರಿಯಾಗಿ, ಸಡಗರದಿಂದ ಮಾಡಿದ್ದಾರೆ. ಬೆಂಗಳೂರು ನಗರದ ಫನ್ ವರ್ಲ್ಡ್’ನಲ್ಲಿ ಅಪಾರ ಅಭಿಮಾನಿಗಳ ಮಧ್ಯೆ ಸೆಲೆಬ್ರೇಷನ್ ಮಾಡಿದ್ದಾರೆ.

ಈ ಸಡಗರವನ್ನು ನೋಡಲು ಪುನೀತ್ ರಾಜ್‍ಕುಮಾರ್, ದರ್ಶನ್, ಅನಿರುದ್, ಭಾರತಿ ವಿಷ್ಣುವರ್ಧನ್ ಸೇರಿದಂತೆ ಗಣ್ಯರು ಬಂದಿದ್ದರು. ನಟ ಯಶ್ ಒಬ್ಬ ಖ್ಯಾತ ನಟನಿರಬಹುದು. ಲಕ್ಷಾಂತರ ಅಭಿಮಾನಿಗಳನ್ನು ಪಡೆದಿರಬಹುದು. ಆದರೆ ಅವರು ಮಗಳಿಗೆ ಪ್ರೀತಿಯ ಅಪ್ಪ. ಮಗಳಿಗಾಗಿ ರಾಧಿಕಾ ಪಂಡಿತ್ ಮತ್ತು ಯಶ್ ಆಟದ ಸಾಮಾನುಗಳನ್ನು ತರಲು ಶಾಪಿಂಗ್ ಮಾಡಿದ್ದರು. ಮಕ್ಕಳ ಜೊತೆ ಯಶ್ ಚಿಕ್ಕ ಮಕ್ಕಳಂತೆ ಆಡುತ್ತಾರೆ.

ತಮ್ಮ ಮಗಳ ಹುಟ್ಟಿದ ಹಬ್ಬದ ದಿನ ರಾಕಿಂಗ್ ಸ್ಟಾರ್ ತಾನು ಸ್ಟಾರ್ ಎಂಬುದನ್ನು ಮರೆತು ಖುಷಿಯಿಂದ ಫನ್ ವರ್ಲ್ಡ್ ನಲ್ಲಿ ಆಟ ಆಡಿದ್ದಾರೆ. ಮೆರ್ರಿ ಗ್ರೌಂಡ್ ಹಾರ್ಸ್ ಏರಿ ಸವಾರಿ ಮಾಡಿದ್ದಾರೆ. ಎಷ್ಟು ದೊಡ್ಡ ನಟನಾಗಿದ್ದರೂ ಅವರು ಮಗಳಿಗಾಗಿ ಕುದುರೆ ಏರಿ ಆಟವಾಡಿದ್ದು ಅಭಿಮಾನಿಗಳಿಗೆ ಸಕ್ಕತ್ ಖುಷಿ ನೀಡಿದೆ‌.

ಯಶ್ ಈಗ ಯಶಸ್ಸಿನ ಉತ್ತುಂಗದಲ್ಲಿದ್ದಾರೆ. ಅವರು ಮುಟ್ಟಿದ್ದೆಲ್ಲಾ ಚಿನ್ನವಾಗುತ್ತಿದೆ. ಇದಕ್ಕೆ ಅವರು ಮೊದಲು ಪಟ್ಟಿದ್ದ ಶ್ರಮವೂ ಕಾರಣ. ಒಂದೊಂದೇ ಮೆಟ್ಟಿಲು ಏರಿ ಈ ಮಟ್ಟಕ್ಕೆ ಏರಿದ್ದಾರೆ. ಕೆಜಿಎಫ್ ಚಿತ್ರದ ನಂತರ ಯಶ್ ಗ್ಲೋಬಲ್ ಸ್ಟಾರ್ ಆಗಿದ್ದಾರೆ. ಕೆಜಿಎಫ್ ಕನ್ನಡದ ಮೊಟ್ಟ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ. ಹಿಂದಿ, ತೆಲುಗು, ತಮಿಳು ,ಮಲಯಾಳಂ ಹಾಗೂ ಕನ್ನಡದ ಭಾಷೆಗಳಲ್ಲಿ ಚಿತ್ರ ಬಿಡುಗಡೆ ಆಗಿ ರೆಕಾರ್ಡ್ ಮಾಡಿತು. ಸುಮಾರು 200 ಕೋಟಿ ಕಲೆಕ್ಷನ್ ಮಾಡಿ ನೂರು ಕೋಟಿ ಕ್ಲಬ್ ಸೇರಿದ ಮೊದಲ ಕನ್ನಡ ಚಿತ್ರ ಎಂಬ ಹಿರಿಮೆಗೆ ಪಾತ್ರವಾಗಿದೆ. ಈ ಚಿತ್ರ ಅವರ ವೃತ್ತಿ ಜೀವನದ ಮೈಲಿಗಲ್ಲು. ಈ ಚಿತ್ರವನ್ನು ಪ್ರತಿಭಾವಂತ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶಿಸಿದ್ದಾರೆ. ಈಗ ಕೆಜಿಎಫ್ ಎರಡನೇ ಭಾಗದ ಚಿತ್ರೀಕರಣ ನಡೆಯುತ್ತಿದ್ದು , ವಿಲನ್ ಆಗಿ ಸಂಜಯ್ ದತ್ ಕನ್ನಡಕ್ಕೆ ಬಂದಿದ್ದಾರೆ. ಅದು ಮುಂದಿನ ಎಪ್ರಿಲ್’ನಲ್ಲಿ ಬಿಡುಗಡೆ ಆಗಿ ಯಾವ ರೆಕಾರ್ಡ್ ಬ್ರೇಕ್ ಮಾಡುತ್ತೋ ನೋಡಬೇಕು

LEAVE A REPLY

Please enter your comment!
Please enter your name here